Wednesday, October 28

साउदीबाट तीन उडान मार्फत ५६८ जना नेपाली स्वदेश फर्किए

July 22, 2020 117

कोरोना भाइरसका कारण स्वदेश फर्किन नसकेकाहरु मध्ये तेस्राे चरणमा साउदीबाट ५६८ जना नेपाली स्वदेश फर्किएको साउदीस्थित नेपाली दूतावासले जनाएको छ ।

साउदीबाट नेपाल एयरलाइन्स र हिमालय एयरलाइन्सले तीन उडान गरेका छन् । जसमा नेपाल एयरलाइन्सले एक र हिमालय एयरलाइन्सले दुई उडान गरेको दूतावासले जनाएको छ ।

दूतावासले दिएको जानकारी अनुसार उडानमा कोरोनाका रोजगारी गुमाएका, करार अवधि सकिएका, काजकिरियामा जानुपर्ने, दीर्घ बिरामी लगायतलाई प्राथमिकता राखेर स्वदेश पठाइएको जनाएको छ ।

दूतावासका अनुसार उक्त उडानहरुमा साउदीमा विभिन्न समयमा मृत्यु भएका नेपालीहरु मध्ये दूतावासले कानुनी प्रक्रिया पुरा गरि अन्तिम संस्कारको लागि ७ वाट शव पनि पठाएको छ ।

यस्तै आगामी दिनमा साउदी अरबको रियादबाट गर्ने चार्टर्ड उडानहरुबाट स्वदेश फर्कने नेपालीहरुको सूचि नेपाल सरकारले निर्धारण गरेको प्राथमिकताका आधारमा दूतावासले तयार गरी नेपाल एयरलाईन्स र हिमालय एयरलाईन्सको आधिकारिक सम्पर्क व्यक्ति समक्ष पठाइएको समेत दूतावासले जनाएको छ ।

प्रतिकृया दिनुहोस्