Sunday, October 25

बहिनीलाई बचाउन ६ वर्षका बालक कुकुरसँग भिडे, अनुहारमा ९० टाँकाः वर्ल्ड बक्सिङ काउन्सिलको उपाधि प्रदान

July 17, 2020 925

अमेरिकाको व्योमिङ राज्यका ६ वर्षका बालक ब्रिजर वाकरलाई विश्व बक्सिङ काउन्सिलले अनररी ‘वर्ल्ड च्यम्पियन’ को उपाधि प्रदान गरेको छ । वाकरले कुकुरको हमलाबाट आफ्नी बहिनीलाई बचाउन ज्यानको बानी लगाइदिए । यो हमलामा वाकरको अनुहारमा ९० टाँका लगाइएको छ । उक्त घटना पछि नै ती बालक सोसल मिडियामा छाएका छन् ।

वर्ल्ड बक्सिङ काउन्सिलले ट्वीट गर्दै वाकरको बहादुरीलाई सलाम गरेको छ । डब्ल्यूबीसीले आफ्नो बयानमा भनेको छ, ‘ मानवताको श्रेष्ठ मूल्यलाई देखाउने ६ वर्षका ब्रिजर वाकरलाई अनररी वर्ल्ड च्याम्पियन घोषणा गर्नु हाम्रो लागि गौरवको कुरा हो । ब्रिजर तिमी हिरो हौ ।’

बहिनीलाई बचाउन ज्यानको बाजीः

घटना जुलाई ९ तारिखको हो । त्यसदिन जर्मन शेफर्ड जातको एउटा कुकुरले वाकरकी ४ वर्षकी बहिनीमाथि हमला गरिदियो । तर वाकर आफ्नो ज्यानको पर्वाह नगरी कुकुरसँग भिडे । यतिबेला उनको अनुहार र बंगारामा गम्भीर चोट लाग्यो । दुई घण्टा लामो शल्यक्रियामा वाकरको अनुहारमा ९० टाँका लगाइयो ।

प्रतिकृया दिनुहोस्