Wednesday, October 28

तस्बिरमाः भीषण बाढीमा फसेको पूर्वी चीन

July 17, 2020 174

पछिल्लो केही दिनदेखि मध्य र पूर्वी चिनियाँ इलाका भयंकर बाढीमा घेरिएको छ ।

चीनको सबैभन्दा ठूलो ताल पोयांगमा बनेका थुप्रै बाँध टुटेका छन् । चीनको नेशनल वेदर सेटलाइट सेन्टरको डाटा अनुसार तालको पानी रेकर्ड स्तरको पुगेको छ ।

यसै हप्ता अधिकारीले बताए अनुसार देशका ३३ नदीमा बाढी आएको छ । यस्तै याग्त्जी नदीको इलाकामा लगातार वर्षा भइरहेको छ ।

बुधबार जल संसाधन मन्त्रालयका अनुसार याग्त्जी नदीको मध्य र तल्लो इलाकामा डोंगटिंग र पोयांग नलीमा पानी क्रमशः कम भइरहेको छ  ।

बाढी नियन्त्रणका लागि जिम्मेवार मन्त्रालयका अनुसार देशभरी ९८ नदीको पानी अहिले पनि खतरनाक स्तरमा पुगेको छ । थुप्रै भवनलाई पानीले घेरिएको देख्न सकिन्छ ।

हालसम्म १४० व्यक्तिको मृत्यु भइसकेको छ र दसौं लाख व्यक्तिलाई सुरक्षित स्थानमा पुर्याइसकिएको छ ।

प्रतिकृया दिनुहोस्