Sunday, October 25

बहराइनबाट १४६ जना नेपाली स्वदेश फर्किए

July 12, 2020 162

कोरोना भाइरस लगायत विभिन्न कारणले बहराइनमा समस्यामा परेका थप १४६ नेपाली स्वदेश फर्किएका छन् । बहराइनस्थित नेपाली दूतावासको प्राथामिकतामा परेका उनीहरु नेपाल एयरलाइन्सको पाचौँ चार्टर उडानमार्फत स्वदेश फर्किएका हुन् ।

दूतावासका अनुसार सो उडानमा १४६ जना नेपालीहरु स्वदेश फर्किएका छन् । यसअघि नेपाल एयरलाइन्सको ४ वटा उडानमार्फत बहराइनबाट ५६९ जना नेपाली र दुई वटा शव पनि स्वदेश पठाईसकिएको दूतावासले जनाएको छ ।

स्वदेश फर्किने नेपालीहरुलाई विदाई तथा सहजिकरण गर्न नेपाली दूतावासका कर्मचारी लगायत “हाम्रो साथ आमाको काख” अभियानका प्रतिनिधिहरु विमानस्थल पुगेका थिए । “हाम्रो साथ आमाको काख” अभियानले सुरुवाती दिन देखि नै स्वदेश फर्किनेहरुलाई सहयोग गर्दै आएको छ ।

प्रतिकृया दिनुहोस्