Thursday, October 22

लकडाउनको समयमा विदेशबाट ल्याइयो ११५ जनाको शव

July 4, 2020 103

काठमाडौं – लकडाउनका कारण विदेशमा अलपत्र अवस्थामा रहेका ११५ शव स्वदेश ल्याइएको छ ।

हिजो (शुक्रबार) सम्म विदेशमा ज्यान गुमाएका १ सम्म १५ जना युवाको शव स्वदेश ल्याइ मृतकका परिवारलाई बुझाएको वैदेशिक रोजगार बोर्डले जनाएको छ ।

त्यस्तै १३२ जनाको शव गन्तव्य मुलुकमा नै अन्त्यष्टिक लागि सहमति भएको बोर्डका कार्यकारी निर्देशक राजन प्रसाद श्रेष्ठले जानकारी दिए ।

हालसम्म मलेसियाबाट ३५, साउदीबाट ३२, कतारबाट ३०, युएईबाट ७, कुवेतबाट ७, बहराइनबाट ३ र ओमानबाट १ वटा शव ल्याइ मृतकका परिवारलाई बुझाएको बोर्डले जनाएको छ।

उनकाअनुसार वैदेशिक रोजगारीका क्रममा ज्यान गुमाएका १०५ शव अझै व्यवस्थापन गर्न बाँकी छन् ।

बोर्डका अनुसार वैदेशिक रोजगारीका क्रममा मलेसियामा १९, साउदीमा ५२, कतारमा ७, युएईमा १३, कुवेतमा ५, बहराइनमा २ र अन्य विभिन्न मुलुकमा ७ गरी १०५ शव व्यवस्थापन गर्न बाँकी रहेका छन्।

प्रतिकृया दिनुहोस्