Saturday, October 24

आज अत्यन्तै पवित्र हरिसयनी एकादशी, यसरी ब्रत बस्नुहोस लाभै लाभ मिल्नेछ

July 1, 2020 560

एकादशीकाे व्रत बस्नाले हामीले गर्नलागेका कार्यमा वृद्धि, मानसिक समस्याबाट मुक्ति लक्ष्मीकाे कृपा सदैब रहिरहने तथा धार्मिक र आत्ध्यात्मिक रुपमा मानिस बलियाे हुने शास्त्रमा उल्लेख गरिएको छ ।

एकादशीकाे व्रत सम्बन्धि विभिन्न पुराण तथा उपपुरण हरुमा व्याख्या गरिएको छ ।

विशेषगरी पद्ममहापुराणमा यसकाे व्याख्या विस्तारित रुपमा उल्लेख गरिएको छ ।

स्वर्गमोक्षप्रदा ह्येषा शरीरारोग्यदायिनी।
कलत्रसुतदा ह्येषा धनमित्रप्रदायिनी।।
न गङ्गा न गया राजन् न च काशी च पुष्करम्।
न चापि कौरवं क्षेत्रं पुण्यं भूपहरेर्दिनात्।।

अर्थात् एकादशीकाे व्रत विधिवत् रुपमा बसेमा स्वर्ग,माेक्ष, आराेग्य,सुभार्या तथा उत्तम पुत्र प्राप्तिका साथै सदैब लक्ष्मीकाे साथ रहिरहने उत्तम व्रत नै एकादशिकाे व्रत हाे भनेर भनिएको छ ।

२०७७ साल आषाढ १७ गते बुधबार हरिशयनी एकादशी व्रत अर्थात् तुलशीकाे विरुवा राेपने एकादशीका नामले पनि प्रसिद्ध छ ।

केटिएम दैनिकको अनुमति बिना कुनै पनि सामाग्री कपी नगर्नुहोला ।

हरेक वर्ष आषाढ शुक्ल पक्षकाे एकादशी देखि भगवान् विष्णु चार महिनाका लागि पाताललाेकमा गई राजा बलिकाे ढाेकामा निवास गर्नुहुने कुरा शास्त्रमा उल्लेख गरिएको छ ।

आजका दिनदेखि कार्तिक शुक्लपक्षकाे एकादशी बाट मात्रै फर्किएर पुनः वैकुण्ठमा आउने कुरा विभिन्न पुराण हरुमा उल्लेख गरिएको छ ।

यसैलाई नै चाैमासा अर्थात आषाढ शुक्ल पक्षदेखि कार्तिक शुक्ल पक्षकाे एकादशी ठुली एकादशी सम्मलाई चाैमासा व्रत भनेर भनिएकाे छ । शास्त्रका अनुसार चाैमासा भरि विवाह लगाएतका कुनैपनि ठूला शुभकार्य गर्न नहुने भनेर शास्त्रमा उल्लेख गरिएको छ ।

प्रत्येक महिनाकाे शुक्ल पक्ष एवं कृष्ण पक्षमा एक एक आाेटा एकादशी पर्ने गर्दछ एक महिनामा दुईवटा एकादशी र वर्षभरिमा २४ वटा एकादशी पर्ने गर्दछ । तर अधिक मास अर्थात मलमास परेकाे वर्षमा दुईवटा एकादशी थपिन गई अधिकमास परेकाे वर्ष २६ आेटा एकादशी पर्ने गरेकाे उल्लेख गरिएको छ ।

यस वर्ष आश्विन महिनामा मलमास अर्थात अधिक मास परेकाले यसवर्ष २६ आेटा एकादशीकाे संयाेग परेकाे छ । यस्ताे समयलाई विशेष रुपमा लिने गरिएको छ । सनातन हिन्दू धर्मावलम्बीहरुले प्रयाेगगर्ने पञ्चाङ्ग गणनामा चान्द्र गणना पद्धतिमा आधारीत रहेर तिथिहरुकाे गणना गरिएको हुन्छ ।एकादशी भगवान विष्णुकाे प्रिय तिथि हाे । आजका दिन घरमा तुलशी राेपेमा समस्त राेगबाट मुक्ति मिल्ने पनि उल्लेख गरिएको छ । जसले घरमा तुलशी राेप्छ उक्त घरमामा लक्ष्मीकाे बाँस सदैब रहिरहने पनि शास्त्रमा उल्लेख गरिएको छ ।

अश्वमेधसहस्राणि राजसूयशतानि च ।
एकादश्युपवासस्य कलां नार्हन्ति षोडशीम् ।।

एकादशीकाे व्रत बस्नाले हजारौं अश्वमेध यज्ञ गरेकाे फल बराबर एकादशी व्रत वस्नाले प्राप्त गर्न सकिने पनि शास्त्रमा उल्लेख गरिएको छ । नयाँ व्रत वस्ने हरुका लागि याे समय अति उपयोगी रहने ज्याेतिषी हरुले जानकारी गराएका छन् । अहिले गुप्त नवरात्रकाे समय चलिरहेकाे छ भने अस्तकाे समय पनि नभएकाले व्रत वस्नका लागि अति उपयाेगी समय रहेकाे समेत जानकारी गराएका छन् ।

प्रतिकृया दिनुहोस्